【🅿 牌車主教學 | 定時為車胎打打氣🔝】

人需要打氣，車胎都要定時打氣。車胎就等於人嘅一雙腳，要適當保護雙腳，先可以行更遠嘅路。今次P牌車主教學就同大家吓正常胎壓有幾重要!

• 胎壓嘅作用🔎

一條車胎充氣後可承載車身重量，令車胎同路面產生磨擦，幫助汽車起動、制動及轉向。因此，正常胎壓對駕駛及輪胎保養都非常重要。

• 點解胎壓會變❓

由於胎氣係空氣，而空氣內嘅氧氣係極之活躍嘅，會以較快嘅速度離開車胎，所以就算車胎無穿無爛都會漏氣。

• 何謂正確胎壓❓

每一架車所需要嘅胎壓都唔同，車主可以根據座駕嘅原廠胎壓標籤，配合座駕使用狀況，補充相對應嘅氣壓。一般胎壓標籤會貼係司機位車側門柱（前後車門之間）嘅內側，而胎壓單位包括有 bar（大氣壓力）、KPA（1 bar = 100 KPA）或  psi（磅），香港比較習慣用 psi 。原廠胎壓標籤會就着相應嘅輪胎規格，建議唔同負載能力同車速下嘅冷胎壓值，當中負載能力包括一個人、兩個人、四個人及外加行李等唔同嘅參照。

• 胎壓不足有咩危險❓

胎壓不足會令車胎變軟，同地面接觸面積就會更大，從而增加行車時嘅阻力及耗油量。車胎會較易磨損，車鈴亦有機會變形，容易出現爆胎情況及影響座駕負載能力。

• 胎壓過高有咩危險❓

座駕行駛一段時間後，胎壓會隨着輪胎溫度而升高。若胎壓過高行車會感較顛簸，同地面接觸面積變細，會令抓地能力下降，從而降低煞車性能。所以氣溫高或長時間行駛，會容易出現爆胎情況。

• 定時檢查胎壓🩺

建議各位車主每個月應該至少檢查及補充胎壓一次，若使用低扁平比嘅輪胎，檢查及補充胎壓嘅頻密度會更高。最方便嘅方法，當然係自備一個胎壓計啦！