佳節將至，多個地方嘅聖誕燈飾已經陸續亮燈啦啱哂揸車出去欣賞璀璨燈飾同夜景！快啲跟住以下指南同摯愛親朋一齊享受冬日繽紛啦

(1) 海運觀點

海港城海運大廈除咗係購物天堂外，其實頂層仲有一個名為「海運觀點」嘅觀景台，上到去可以盡覽維港夜色，眺望香港島及九龍半島兩岸美景，節日時仲可以睇埋煙花添！

泊車位置：海運大廈停車場

(2) 昂船洲大橋

唔講唔知其實有好多劇集同電影都係依到取景㗎，唔少攝影發燒友都會前往拍攝日落同夜景。如果想欣賞昂船洲大橋同葵涌貨櫃碼頭互相輝映構成嘅獨特夜景畫面，不妨考慮揸車嚟打卡啦

泊車位置：昂船洲大橋橋底

(3) 大帽山

大帽山可以俯瞰維多利亞港、九龍，甚至香港島嘅景色，景觀超級開揚，可以一眼睇哂成個香港嘅燦爛夜景，簡直係一大享受！

泊車位置：沿路空地位置

去邊玩都好都緊記要愛護環境，離開時要帶走自己嘅垃圾啊