剛過去嘅週末，香港車主會 X DCHAV 品味週末再度回歸，今次主題係「品味音樂，從基礎走向極緻」黑膠工作坊。今次活動除咗吸引愛好音響嘅玩家參加，都吸引咗好多年輕人或音響新手嚟感受黑膠唱片與眾不同嘅美妙音色。

我哋特別邀請到資深音響人 Martin 即場分享調校黑膠唱盤嘅心得同技巧，從零開始嘅預備至完成整套黑膠組合，各步驟逐一講解。更為大家示範咗價值 $500,000 Esoteric Grandioso T1 器材，令到音響新手甚至係老手都嘆爲觀止，聽出耳油！最令人印象深刻莫過於播出歌神張學友《我哭了》嘅時候，完全感受到學友喺唔同嘅器材上面，歌曲嘅空間感，人聲嘅細膩同感情完美咁呈現出嚟。大家都 各自沉醉喺優美旋律當中。而活動亦由淺入深，介紹咗入門級至藍牙連接嘅器材，讓大家對於唔同設計嘅唱盤都有一定嘅了解，可以隨著個人喜好挑選適合自己嘅唱盤。

大家希望下次可以欣賞到邊一類音響器材呢？不妨留言話俾我哋知！