【🅿️牌汽車百科👀 |新手上路知多啲 】

成功由學神變成P牌仔，除左要累積駕駛經驗外，有一啲注意事項都要特別留心，因為一唔小心犯錯，就有機會「加監」㗎❗

👉🏻幾時展示P牌？

所有持暫准執照嘅駕駛者行車時就必須展示P牌。同時有式樣限制，必須係車輛嘅前面同後面展示，並以反光物料製造及符合尺寸150毫米x 150毫米等長闊高規格，字牌上有紅色「P」字樣。

 👉🏻P牌有最高車速限制

無論任何情況，P牌司機最高車速不得超過70km/h。即使道路限速超過70km/h，P牌最高車速都只能以70km/h行駛。同時如果係三條或以上嘅高速公路行車線行駛，亦唔能夠係最右邊線行駛（俗稱：快線）。

👉🏻有冇P牌保險？

香港暫時未設有P牌保險。而持暫准執照嘅駕駛者購買保險程序同普通駕駛者一樣，可選擇第三者責任保險（俗稱：三保）或是綜合汽車保險（俗稱：全保）。因駕駛經驗不足，發生交通意外的風險較大，保費會較貴。但隨著時間無發生任何車禍並從保險追討任何賠償，你嘅無索償折扣（俗稱：NCB/NCD）就會越來越多，保費就會越平。

👉🏻唔小心觸犯交通違例事項點算好

持有 P 牌嘅駕駛者必須滿一年先可以再申請正式牌照（在沒有觸犯任何交通違例事項前提下），萬一有輕微嘅違例事項，P 牌嘅期限就最少增加半年，如果係嚴重違例事項，定罪後 P 牌就會被即時取消（可重考）。

各位P牌仔想準時「甩P」快樂，就要打醒十二分精神小心駕駛。記得follow我哋專頁，緊貼更多駕駛資訊！