成功由學神變成P牌仔，正代表你已經踏入駕駛嘅另一階段。因此學習模式亦由理論派變成實戰派。要累積駕駛經驗，就需要不斷地出車練習先可以找到箇中真諦，所以我哋特別為各位新手推介一些練車路線，俾各位操車之餘，同時能夠享受駕駛之樂。
有一個貼士幫幫大家，駕駛一啲高身擁有較佳視野嘅SUV，或配備盲點警示、碰撞預警嘅車款，都可以協助到各位新手提升駕駛安全，減少錯誤發生。
1) 青山公路汀九段
路線：荃灣西海安路 － 屯門三聖青山公路汀九段
[難度
] 路線由荃灣西麗城花園，沿青山公路汀九段，經過青龍頭、黃金海岸等地方直到屯門三聖村。無敵大海景，簡單易駛而且少車。近青龍頭及大欖路段會有數個小迴旋處，新手可以放膽練習使用迴旋處。
2) 大尾篤汀角路
路線：大埔工業邨汀角路 － 大尾篤路停車場
[難度] 從大埔工業邨，沿汀角路一直駛到大尾篤，亦是經大埔工業邨去SMD 必經之路。難度不算太高，但需要注意假日，對頭車過線、單車及行人過馬路等突發情況。
3) 青衣環島
路線：青衣路近青衣南橋 － 青衣西路 － 青康路 － 涌美路 － 青衣鄉事會路
[難度] 路線是圍繞青衣南行一圈，新手可以練習到青衣路雙連迴旋處、涌美路的長命斜、青衣路西的大直路路段等，但需要注意青衣路經常有貨車及運油車等大型車輛進出，行駛時記得保持適當距離。
